Iva. Li tiekol varjetà ta’ ikel differenti mill-pjanti huwa parti importanti minn dieta tajba għas-saħħa. Hemm tipi differenti ta’ ikel mill-pjanti – ħxejjex u frott; żrieragħ bl-imżiewed, bħal fażola jew għads jew piżelli; u ċereali u prodotti taċ-ċerali, bħal ross, għaġin jew ħobż. “Varjetà” tfisser li tul perjodu ta’ żmien – tul ġimgħa jew xahar – tieħu ftit minn kollha kemm huma. Tfisser ukoll li jkollok varjetà ta’ tipi minn kull kategorija. Jiġifieri għall-ħxejjex, tista’ tipprova tara li jkollok ħxejjex tal-werqa ħadra bħall-kaboċċi, jew ħxejjex tal-għeruq bħall-karrotti, jew zukkini jew brunġiel, jew ħxejjex tal-insalati bħat-tadam. Biex tagħmel dan tista’ tara li jkollok ħafna ħxejjex ta’ kuluri differenti. Daqstant ieħor tajjeb li jkollok tipi differenti ta’ żrieragħ bl-imżiewed u ċereali (idealment tal-qamħa sħiħa). Ipprova ħu l-benefiċċju tal-bosta varjetajiet ta’ ikel fi żminijiet differenti tas-sena.