Mhux eżatt – id-dieta tajba għas-saħħa li tgħin tipproteġi kontra l-kanċer hija simili għal dik li hija rakkomandata biex tgħin tnaqqas ir-riskju ta’ mard kroniku ieħor bħad-dijabete u l-mard tal-qalb. L-unika differenza speċifika hija li għat-tnaqqis tar-riskju tal-kanċer tal-musrana, huwa rakkomandat li tevita laħam ipproċessat u tillimita l-konsum ta’ laħam aħmar. Xi studji sabu wkoll rabta bejn dawn il-fatturi u l-mard tal-qalb iżda l-evidenza mhijiex b’saħħitha daqs tal-kanċer tal-musrana. B’hekk, id-dieta rakkomandata hawn fuq mhijiex tajba biss biex tnaqqas ir-riskju tal-kanċer iżda anki r-riskju ta’ mard ieħor. Ma hemmx evidenza b’saħħitha li, waħdu, ikel partikolari (kultant imsejjaħ b’mod qarrieqi “superfoods”) jista’ jgħinek tnaqqas ir-riskju tal-kanċer jew ta’ mard kroniku ieħor.