12-IL MOD BIEX TNAQQAS IR-RISKJU LI JAQBDEK IL-KANĊER

Dieta

icon-diet Żomm dieta tajba għas-saħħa:

  • Kul ħafna ċereali b'kontenut għoli ta' fibra, legumi, ħaxix u frott.
  • Illimita l-ikel b'ħafna kaloriji (ikel b’livell għoli ta’ zokkor jew xaħam) u evita x-xarbiet biz-zokkor.
  • Evita l-laħam ipproċessat; illimita l-laħam aħmar u l-ikel b’kontenut għoli ta’ melħ.

Hemm evidenza b’saħħitha li n-nies jistgħu jnaqqsu r-riskju tal-kanċer tagħhom billi jadottaw drawwiet tajba għas-saħħa b’rabta mad-dieta u l-attività. Fil-popolazzjonijiet Ewropej, huwa stmat li nies li jsegwu stil ta’ ħajja tajjeb għas-saħħa li jaqbel mar-rakkomandazzjonijiet għall-prevenzjoni tal-kanċer għandhom riskju 18% inqas tal-kanċer meta mqabblin ma’ nies li l-istil tal-ħajja u l-piż tagħhom ma jaqblux mar-rakkomandazzjonijiet. It-tnaqqis tar-riskju ġie stmat għal stil tal-ħajja li jinkludi: piż normali (indiċi tal-massa tal-ġisem [BMI] ta’ bejn 18.5 u 24.9 kg/m2) u l-evitar ta’ ikel li jippromwovi żieda fil-piż, bħal xarbiet zokkrin u “fast foods”; attività fiżika moderata għal tal-inqas 30 minuta kuljum; treddigħ (għan-nisa); parti kbira tal-ikel li tiġi minn pjanti; limitazzjoni tal-ikliet ta’ laħam aħmar; l-evitar ta’ laħam ipproċessat; u limitazzjoni tal-konsum ta’ xorb alkoħoliku.