It-terapija b’sostitut għan-nikotina (NRT) tikkonsisti fi prodotti li fihom in-nikotina mfassla sabiex iwasslu nikotina fil-ġisem f’forma li ma tinvolvix tipjip jew l-inġestjoni ta’ tossini oħrajn.

Hemm bosta forom differenti inklużi “patches” transdermali ta’ 16-il siegħa jew 24 siegħa, ċuwingamm taż-2 mg jew l-4 mg, “lozenges” tan-nikotina tal-1 mg, 1.5 mg, 2 mg jew 4 mg, pinnoli ta’ taħt l-ilsien taż-2 mg, sprej għall-imnieħer, inalatur, borżetta orali, u sprej tal-ħalq.

Id-disponibbiltà tvarja madwar l-Ewropa, iżda normalment dawn jinbiegħu mingħajr riċetta jew ikunu disponibbli bir-riċetta.

• Ħafna mill-provi kliniċi b’mediċini kienu jinkludu xi forma ta’ appoġġ għall-imġiba.
• L-aħjar hu li tingħata pariri fuq kif tieqaf u ma terġax tibda.
• Pariri ta’ appoġġ fl-imġiba jistgħu jingħataw wiċċ imb wiċċ jew b’mezzi bħat-telefown, is-sistema ta’ messaġġ fuq it-telefown ċellulari, jew fuq l-Internet.
• L-appoġġ fl-imġiba jista’ jkun effettiv meta jingħata b’dawn il-mezzi kollha diment li jsegwi struttura ċara bbażata fuq l-evidenza.
• Ħafna mill-appoċċ wiċċ imb wiċċ li ntwera li huwa effettiv kien jikkonsisti f’appoġġ intensiv ipprovdut minn professjonist imħarreġ u involva bosta sessjonijiet fi grupp jew individwali.
• Hemm xi evidenza li tissuġġerixxi li l-gruppi huma iktar effettivi minn appoġġ f’livell individwali.

Il-bupropjon huwa antidipressant atipiku.

Kors tipiku huwa ta’ 300 mg kuljum għal 7–8 ġimgħat, li jibda ġimgħa qabel id-data magħżula għall-waqfien għal kollox.

Il-bupropju jista’ jinxtara bir-riċetta f’ħafna mill-pajjiżi Ewropej.

Il-vareniklina hija mediċina magħrufa bħala agonist parzjali.

Kors tipiku tal-kura huwa ta’ 1 mg kuljum, li jibda ġimgħa wara d-data magħżula għall-waqfien għal kollox, imbagħad 2 mg kuljum għal 11-il ġimgħa.

Il-varniklina tista’ tinxtara bir-riċetta f’ħafna pajjiżi Ewropej.

Iċ-ċitisina hija agonist parzjali wkoll.

Kors tipiku tal-kura huwa ta’ 4 ġimgħat, li jibda ġimgħa qabel id-data magħżula għall-waqfien għal kollox, bi skema tad-dożaġġ li tonqos maż-żmien.

Bħalissa, iċ-ċitisina hija lliċenzjata fi ftit pajjiżi fl-Ewropa Ċentrali u tal-Lvant biss, fejn hija disponibbli mingħajr ir-riċetta jew bir-riċetta. L-użu fl-Ewropa tal-Lvant hija mistennija fil-ġejjieni hekk kif ġew introdotti applikazzjonijiet għal-liċenzjar tal-prodott f’pajjiżi oħrajn, inkluż ir-Renju Unit.