Il-kwarz, l-iktar polimorf kristallin komuni tas-silika li ssibu fin-natura, huwa abbundanti f’ħafna tipi ta’ ġebel, l-iktar il-granit, ġebel ramli, u kwarziti, u fir-ramel u l-ħamriji.

Il-ħaddiema jistgħu jkunu esposti għas-silika kristallina f’varjetà kbira ta’ industriji u okkupazzjonijiet minħabba l-użu mifrux ta’ materjali li fihom il-kwarz:

• l-attivitajiet li jinvolvu ċ-ċaqliq ta’ ħamrija (eż. tħaffir, biedja, bini, tqattigħ fil-barrieri);
• iż-żarmar ta’ prodotti li fihom is-silika (eż. it-tiġrif ta’ bini u konkrit);
• it-tqandil jew l-użu ta’ prodotti li fihom ir-ramel u prodotti oħrajn li fihom is-silika (eż. proċessi tal-funderija, bħall-ikkastjar, l-installazzjoni u t-tiswija ta’ fran; l-ibblastjar; il-produzzjoni ta’ ħġieġ, ċeramika, materjali tal-brix, siment).