L-amini aromatiċi huma tip ta’ sustanza kimika li tinstab primarjament fil-manifattura ta’ kuluranti u pigmenti għat-tilwin ta’ materjali tessili, ġilda u karta, u fl-industrija tal-lasktu.
L-iktar amini aromatiċi importanti huma benżidina, 4-aminobifenil, 2-naftilamina, u orto-toluidina, fost l-oħrajn.

Il-ħaddiema jistgħu jkunu esposti għal amini aromatiċi fil-produzzjoni ta’ kuluranti, pigmenti u sustanzi kimiċi tal-lasktu. Żewġ proċessi industrijali (il-manifattura tal-awramina u l-produzzjoni tal-maġenta) huma sorsi addizzjonali ta’ esponiment għal amini aromatiċi. L-esponiment okkupazzjonali jseħħ l-iktar permezz ta’ kuntatt mal-ġilda.
B’kollox, 22 amina aromatika, li jinħelsu mill-kuluranti użati spiss fil-proċess tat-tilwin ta’ materjali tessili u tal-ġilda, ġew ipprojbiti fl-Unjoni Ewropea (Ir-Regolament tal-Kummissjoni Ewropea Nru 1907/2006). Il-ħaddiema esposti fl-imgħoddi xorta waħda jista’ jibqgħu jġorru riskju ikbar ta’ kanċer.