Anki għal nies li jirnexxielhom jakkumulaw biżżejjed attività moderata u enerġetika, hemm evidenza dejjem ikbar li kif tqatta’ l-bqija tal-ħin huwa importanti wkoll. L-ammont ta’ żmien li tqatta’ bilqiegħda jew “quddiem l-iskrin” (tara t-TV jew fuq il-kompjuter jew tilgħab logħob tal-kompjuter) jista’ jżid il-probabbiltà li tiżdied fil-piż. Ma hemm ebda evidenza b’saħħitha ta’ effett dirett fuq xi kanċer, iżda li jkollok piż eċċessiv iżid ir-riskju ta’ bosta kanċers komuni.