L-effett tax-xorb alkoħoliku fuq il-qalb jiddependi mill-ammont ikkonsmat u l-frekwenza tal-konsum. Ix-xorb ta’ iktar minn xarba kuljum għan-nisa jew iktar minn żewġ xarbiet kuljum għall-irġiel iżid ir-riskji ta’ puplesija, insuffiċjenza kardijaka, u l-marda koronarja tal-qalb, u iktar ma tixrob, iktar jikber ir-riskju. Ċerti studji wrew li n-nies b’riskju għoli ta’ mard tal-qalb, speċjalment l-irġiel ta' età tan-nofs, li jixorbu ammonti limitati ta’ alkoħol (inqas minn xarba waħda kuljum għan-nisa jew inqas minn żewġ xarbiet kuljum għall-irġiel), għandhom riskju ftit inqas tal-marda koronarja tal-qalb meta mqabblin ma’ nies li ma jixorbux affattu. Madankollu, mhuwiex ċar jekk ix-xarbiet alkoħoliċi stess humiex responsabbli għal dak l-effett. Fatturi oħrajn (inklużi dieta tajba għas-saħħa, attività fiżika, ebda tipjip, u żamma ta’ piż tajjeb għas-saħħa) inaqqsu r-riskju ta’ mard tal-qalb b’mod iktar effettiv. Huwa rakkomandat li dawk li ma jixorbux ma jibdewx jixorbu biex jgħinu jnaqqsu r-riskju ta’ mard tal-qalb.