Il-mammografija hija l-aħjar metodu ta’ skrinjar li hawn sabiex jinstabu kanċers żgħar li ma tħossx int stess, iżda ma ssibx il-kanċers kollha tas-sider, u għalhekk huwa importanti li tieħu sehem fl-iskrinjar b’mod regolari. Ir-riskju li ma jinstabx kanċer matul skrinjar jiddependi fuq l-età ta’ mara u d-densità ta’ sidirha. Ir-riskju huwa ogħla għal nisa iżgħar fl-età għaliex it-tessut tas-sider normalment ikun iktar dens qabel il-menopawża. Normalment, il-programmi organizzazzati ta’ skrinjar għall-kanċer tas-sider fl-Unjoni Ewropea ikollhom żewġ radjoloġisti li jaqraw kull mammogram sabiex jonqos ir-riskju li ma jinstabx xi kanċer.