L-iskrinjar għall-kanċer tas-sider juża stampa bir-raġġi-X imsejħa mammogram sabiex jiġi ċċekkjat is-sider għal sinjali tal-kanċer. Jista’ jsib kanċers li tant ikunu żgħar li lanqas jinħassu. Iktar ma jinstab kmieni l-kanċer tas-sider, iktar jista’ jkun effettiv it-trattament. L-iskrinjar ma jżommx milli jikber il-kanċer tas-sider, iżda jista’ jsib kanċer tas-sider minn qabel, meta l-possibbiltà ta’ fejqan tkun ogħla. Bħalissa l-mammografija hija l-uniku metodu ta’ skrinjar li ntwera li jgħin fil-prevenzjoni ta’ mwiet minħabba kanċer tas-sider.