Huwa rakkomandat li tieħu sehem fl-iskrinjar għall-kanċer tal-musrana kull darba li jistidnuk u wara li taqra l-materjal informattiv pprovdut u tikkunsidra bir-reqqa l-benefiċċji u d-danni potenzjali tal-iskrinjar. Il-programmi ta’ skrinjar fl-Unjoni Ewropea jvarjaw fir-rigward tal-gruppi ta’ etajiet mistidnin u l-intervall bejn l-istedini, skont l-ammont ta’ kanċers tal-musrana ta’ kull pajjiż, ir-riżorsi lokali, u t-tip ta’ test użat għall-iskrinjar. Ħafna mill-programm jistiednu rġiel u nisa għall-iskrinjar għall-kanċer tal-musrana meta dawn jagħlqu 50–60 sena, u mbagħad, kull sentejn jekk it-test guaiac ta’ skrinjar ikun it-test tad-demm okkult fir-rawt (FOBT) jew it-test immunokimiku tar-rawt (FIT), jew kull 10 snin jew iktar jekk it-test ta’ skrinjar isir bil-kolonoskopija jew sigmojdoskopija flessibbli. Ħafna mill-programmi jibqgħu jibagħtu stedini għall-iskrinjar sakemm wieħed jagħlaq 70–75 sena. Jekk għandek xi mistoqsija, iddiskutiha mat-tabib tiegħek jew mal-fornitur tal-kura tas-saħħa tiegħek.