Il-programmi ta’ skrinjar organizzati huma mfasslin u mmaniġġjati minn servizzi tas-saħħa nazzjonali jew reġjonali li jiżguraw li kulħadd ikollu opportunità ndaqs li jieħu sehem fl-iskrinjar u li jiżgura li jekk ir-riżultat tat-test tal-iskrinjar jiġi anormali, il-pazjent jirċievi ittestjar, appoġġ u trattament ulterjuri kif għandu jkun. L-iskrinjar huwa effettiv l-iktar jekk ikun disponibbli għan-nies kollha fil-popolazzjoni eliġibbli u jekk dawn jagħżlu li jieħdu sehem.

Il-programmi ta’ skrinjar organizzati huma rakkomandati fl-Unjoni Ewropea għaliex iħaddmu grupp ta’ nies responsabbli sabiex jiżguraw il-kwalità tas-servizzi pprovduti. Dan jinkludi l-verifika li l-linji gwida jiġu segwiti u li r-riżultati tal-programm ta’ skrinjar huma rrapportati u evalwati b’mod regolari.