1.

Tpejjipx. Tuża l-ebda forma ta’ tabakk.

2.

Żomm darek ħielsa mid-dħaħen tas-sigaretti. Appoġġja l-politika favur ambjent bla tipjip fuq il-post tax-xogħol tiegħek.

3.

Żomm piż tajjeb għas-saħħa.

4.

Kun fiżikament attiv fil-ħajja ta' kuljum. Illimita l-ħin li tagħmel bilqiegħda.

5.

Żomm dieta tajba għas-saħħa:

• Kul ħafna ċereali b'kontenut għoli ta' fibra, legumi, ħaxix u frott.
• Illimita l-ikel b'ħafna kaloriji (ikel b’livell għoli ta’ zokkor jew xaħam) u evita x-xarbiet biz-zokkor.
• Evita l-laħam ipproċessat; illimita l-laħam aħmar u l-ikel b’kontenut għoli ta’ melħ.

6.

Jekk tixrob xi tip ta' alkoħol, illimita l-konsum tiegħek. In-nuqqas ta' konsum tal-alkoħol huwa aħjar għall-prevenzjoni tal-kanċer.

7.

Evita l-espożizzjoni żejda għax-xemx, speċjalment għat-tfal. Uża protezzjoni għal kontra x-xemx. Tużax’sunbeds’.

8.

Fil-post tax-xogħol, ipproteġi lilek innifsek kontra kimiċi li jistgħu jikkawżaw il-kanċer billi ssegwi l-istruzzjonijiet tas-saħħa u s-sikurezza.

9.

Iċċekkja jekk intix espost għal radjazzjoni li ġejja minn livelli għoljin ta' radon naturali f'darek. Jekk hemm bżonn ħu azzjoni biex tnaqqas il-livelli għoljin ta’ radon.

10.

Għan-nisa:

• It-treddigħ inaqqas ir-riskju tal-kanċer. Jekk tkun tista’, redda’ lit-tarbija tiegħek.
• It-terapiji b’sostituti ormonali (HRT) jżidu r-riskju ta’ ċerti tipi ta’ kanċer. Illimita l-użu tal-HRT.

11.

Iżgura li wliedek jitlaqqmu kontra:

• ‘Hepatitis B’ (għat-trabi tat-twelid)
• ‘Human Papilloma Virus’ (HPV) (għall-bniet).

12.

Ħu sehem fi programmi organizzati għall-iskrinjargħall-kanċer fosthom:

• Kanċer tal-musrana (irġiel u nisa)
• Kanċer tas-sider (nisa)
• Kanċer tal-għonq tal-utru (nisa).