Helicobacter pylori (H. pylori) huwa batterju li jgħix fl-istonku ta’ ħafna nies u kultant jista’ jikkaġuna infjammazzjoni tal-istonku (gastrite), ulċeri, u f’ċerti każijiet (f’madwar persuna minn kull 100 bl-infezzjoni) kanċer tal-istonku. Il-maġġoranza assoluta tal-kanċers tal-istonku huma kkaġunati minn H. pylori. Il-frekwenza tal-infezzjoni bl-H. pylori u l-għadd ta’ każijiet ġodda ta’ kanċer tal-istonku naqsu f’ħafna żoni tal-Ewropa, iżda għad hemm żoni ta’ riskju għoli, speċjalment fl-Ewropa tal-Lvant u partijiet minn Spanja, il-Portugall u l-Italja.